[Book] Attachments By Rainbow Rowell

قصة الكتاب بكل بساطه صايره في نهاية التسعينات عن أنتوني يشتغل في قسم الـ IT

شغل أنتوني انه يراقب إيميلات الموظفين و مع الوقت تعلق بإيميلات موظفتين [ بيث و إيميلي ] و بدا يتحول التعلق إلى إعجاب بـ بيث... كيف يوصل لها و كيف يشرح لها إنه كان يقرا إيميلاتها مع صديقتها و يعرف تقريبا كل تفاصيل حياتها؟ هنا يبدأ الحماس!! 

قصة الكتاب بسيطه و عفويه، على طول تقدرو تتعاطفو مع الشخصيات لأنها واقعيه بمواصفاتهم و أسلوبهم.. أسلوب الكاتبه خفيف جدا و سهل إننا نندمج بسرعه مع القصه و لغة الكتاب جدا سهله و بسيطه خصوصا للي حابين يبدؤا بقراءة الكتب الانجليزية و خايفين من اللغه.. أنا عن نفسي تحمست مع القصه و تعاطفت مع الشخصيات، لكن نهاية الكتاب أحبطتني... حسّيت إن الكاتبة كانت تبغا تنهي الكتاب بأي طريقة! ما اقتنعت بالنهاية أبدا...

يمكن عشاني تحمست بزيادة و رفعت توقعاتي للكتاب... 

عموما.. قراءة الكتاب جدا ممتعة، والعالم اللي ينقلك له عالم بسيط و عفوي و خفيف دم!

 أعطيته ٣ نجوم من خمسة عشان النهاية بس! 

My rating: 3/5

Goodreads: 3.95/5